தமிழில் கிறிக்கற்

இன்றைய போட்டிகள் - இருபதுக்கு இருபது உலகக் கிண்ணம்

2010-05-01T05:55:00.000-07:00

3ஆவது இருபதுக்கு இருபது உலகக் கிண்ணப் போட்டிகளின் இரண்டாம் நாளில் இன்று இந்திய மற்றும் ஆப்கானிஸ்தான் அணிகளுக்கிடையிலான போட்டி மற்றும் பங்களாதேஷ் மற்றும் நடப்பு சம்பியன்களான பாகிஸ்தான் அணிகளுக்கிடையிலான போட்டிகள் இடம்பெறவுள்ளன.

இந்திய, ஆப்கானிஸ்தான் அணிகளுக்கிடையிலான போட்டி சென் லூசியாவில் குறொஸ் ஐலற் இல் (Gros Islet http://www.cricinfo.com/westindies/content/ground/59518.html ) உள்ளூர் நேரப்படி காலை 9.30 இற்கு ஆரம்பிக்கிறது.
சர்வதேச நேரப்படி - மதியம் 1.30.
இந்திய இலங்கை நேரப்படி முன்னிரவு 7 மணிக்கு.

இன்றைய போட்டியில் ஆப்கானிஸ்தான் அணி தங்களது உலகக் கிண்ண கிறிக்கற் அறிமுகத்தை மேற்கொள்கின்றமை குறிப்பிடத்தக்கது.

இந்திய அணி சார்பாக விளையாடக்கூடும் என எதிர்பார்க்கும் அணி:
கெளதம் கம்பிர், முரளி விஜய், சுரேஷ் ரெய்னா, யுவ்ராஜ் சிங், மகேந்திரசிங் டோனி, றோகித் சர்மா, ரவீந்திர ஜடேஜா/யூசுப் பதான், ஹர்பஜன் சிங், பிரவீன் குமார்/வினய் குமார், ஷகீர் கான் மற்றும் ஆஷிஷ் நெக்ரா

ஆப்கானிஸ்தானின் எதிர்பார்க்கை அணி:
கரீம் ஷாதீக், நூர் அலி, மொகமட் ஷஷாதத், நொவ்ரொஷ் மங்கல், ஹமிட் ஹஸன், மிர்வய்ஸ் அஷ்ரப், மொகமட் நபி, சமியுல்லா ஷென்வரி, அஸ்கர் ஸ்ரனிக்ஷய், சபூர் ஷத்ரன் மற்றும் றயீஸ் அக்மட்ஷாய்.

ஆடுகளம் அதிக ஓட்டங்களைக் குவிக்க உதவும் என்றும் சுழற்பந்து வீச்சாளர்களுக்கு உதவும் என்றும் எதிர்பார்க்கப்படுகிறது.

*********

இரண்டாவது போட்டியாக பங்களாதேஷ் மற்றும் பாகிஸ்தான் அணிகளுக்கிடையிலான போட்டி உள்ளூர் நேரப்படி மதியம் 1.30 இற்கு ஆரம்பிக்கிறது.
கிறீன்விச் நேரப்படி மாலை 5.30 இற்கு.
இந்திய இலங்கை நேரப்படி இரவு 11 மணிக்கு.

*********

நேற்றைய போட்டியில் இலங்கை அணிக்கெதிராக நியூசிலாந்தும், அயர்லாந்து அணிக்கெதிராக மேற்கிந்தியத் தீவுகளும் வெற்றிபெற்றமை குறிப்பிடத்தக்கது.

போட்டிகளை நேரடியாக பார்க்க http://crictime.com என்ற தளத்தைப் பயன்படுத்தலாம்.

இருபதுக்கு இருபது உலகக் கிண்ணம் ஆரம்பிக்கிறது...

2010-04-30T03:19:00.000-07:00

3ஆவது இருபதுக்கு இருபது உலகக் கிண்ணப் போட்டிகள் இன்று கயானாவின் புரொவிடென்ஸ் மைதானத்தில் இலங்கை மற்றும் நியூசிலாந்து அணிகளுக்கிடையிலான போட்டியோடு ஆரம்பிக்கிறது.
உள்ளூர் (கயானா) நேரப்படி இன்று மதியம் ஒரு மணிக்கு போட்டி ஆரம்பிக்கிறது.
(கிறீன்விச் நேரம் மாலை 5 மணி. இலங்கை- இந்திய நேரம் இரவு 10.30 )

முதலாவது இருபதுக்கு இருபது உலகக் கிண்ணம் 2007ம் ஆண்டு தென்னாபிரிக்காவில் இடம்பெற்ற போது பாகிஸ்தான் அணியை 5 ஓட்டங்களால் வீழ்த்தி இந்தியா வெற்றியாளர்களாகியது.
இரண்டாவது உலகக் கிண்ணம் 2009ம் ஆண்டு இங்கிலாந்தில் நடைபெற்றபோது இலங்கை அணியை வீழ்த்தி பாகிஸ்தான் வெற்றியாளர்களாகியது.

இன்றைய போட்டியில் சர்வதேச இருபதுக்கு இருபது போட்டிகளில் அதிக ஓட்டங்களைக் குவித்துள்ள பிரன்டன் மக்கலமும், 4ம் இடத்தில் உள்ள டில்ஷானும் சந்திக்கின்றமை குறிப்பிடத்தக்கது.
டில்ஷான் தவிர 5ம் இடத்தில் சனத் ஜெயசூரியவும்,7ம் இடத்தில் குமார் சங்கக்காரவும் உள்ளமை குறிப்பிடத்தக்கது.
தவிர அதிக விக்கற்றுக்களைக் கைப்பற்றியோர் வரிசையில் நியூசிலாந்தின் டானியல் விற்றோரி 3ம் இடத்திலும் அஜந்த மென்டிஸ் மற்றும் லசித் மலிங்க ஆகியோர் முறையே 5ம் 6ம் இடங்களில் உள்ளமை குறிப்பிடத்தக்கது.

முழுமையான பட்டியல் -
அதிக ஓட்டங்கள் - இங்கே அழுத்துக

அதிக விக்கற்றுக்கள் - இங்கே அழுத்துக

இன்றைய போட்டியில் இலங்கை சார்பாக களமிறங்கக்கூடும் என எதிர்பார்க்கப்படும் அணி:
டில்ஷான், மஹேல, சங்கக்கார, தினேஸ் சந்திமால், மத்தியூஸ், சனத், கப்புகெதர, குலசேகர, மென்டிஸ், மலஙிக, முரளி

நியூசிலாந்தின் எதிர்பார்க்கை அணி:
பிரன்டன் மக்கலம், ரைடர், கப்ரில், ரெய்லர், ஸ்ரைறிஸ், ஓரம்,கொப்கின்ஸ், விற்றோரி, நதன் மக்கலம், மில்ஸ்/சவுத்தி, பொன்ட்

ஆடுகளம் துடுப்பாடுவதற்கு சிரமமானதாக அமையும் என எதிர்பார்க்கப்படுகிறது.
சுழற்பந்துவீச்சாளர்கள் அதிகமாக ஆதிக்கம் செலுத்தலாம் எனவும் எதிர்பார்க்கப்படுகிறது.

*******

2 ஆவது போட்டியில் மேற்கிந்தியத் தீவுகள் மற்றும் அயர்லாந்து அணிகள் மோதுகின்றன.
இப்போட்டி உள்ளூர் நேரப்படி மாலை 5 மணிக்கு ஆரம்பிக்கிறது.
(கிறீன்விச் நேரம் - இரவு 9 மணி.
இந்தி இலங்கை நேரப்படி - அதிகாலை 2.30 )

இப்போட்டியில் பங்குபற்றும் வீரர்களில் அயர்லாந்தின் ட்ரென்ற் ஜோன்ஸன் அதிக விக்கற்றுக்களை வீழ்த்தியோர் வரிசையில் 14 ஆவது இடத்தில் மற்றும் அன்ட்ரூ போத்தா 16ஆவது இடத்தில் இருக்க மேற்கிந்தியத் தீவுகள் சார்பாக 18ம் இடத்தில் ஜெரோம் ரெய்லர் இருக்கிறார்.
எனினும் விளையாடக்கூடும் என எதிர்பார்க்கப்படும் வீரர்களில் டெரன் சமி உள்ளார். ஆனால் அவர் 27ம் இடத்திலேயே இருக்கிறார்.

துடுப்பாட்ட வீரர்களில் 14 ஆவது இடத்தில் கிறிஸ் கெயில் இருக்கிறார்.
அயர்லாந்து சார்பாக போர்ட்டபீல் 42 ஆவது இடத்திலும் ஓ பிரயன் 43 இடத்திலும் உள்ளனர்.

விளையாடும் என எதிர்பார்க்கும் அணி:

மேற்கிந்தியத் தீவுகள்:
கெய்ல், சந்தர்போல், பிராவோ, சர்வான், டியோநரேன், பொலாட், சமி, ராம்டின், சுலைமான் பென், ரவி ராம்போல், நிகித மில்லர்

அயர்லாந்து:
போர்ட்டபீல்ட், ஸ்ரேர்லிங், நியல் ஓ பிரயன், கியூசக், கெவின் ஓ பிரயன், கேரி வில்சன், மூனி, ஜோன்ஸன், போதா, கோனல், டொக்ரெல்

****

தமிழ் கிறிக்கற்றின் பதிவுகள் இனித் தொடர்ந்து வெளிவரும்.

மொகமட் யூசுப் ஓய்வு....

2010-03-27T04:50:00.000-07:00

பாகிஸ்தானின் சாதனைத் துடுப்பாட்ட வீரரும் முன்னாள் அணித்தலைவரும் பாகிஸ்தான் கிறிக்கற் சபையால் காலவரையரையற்ற தடை விதிக்கப்பட்டவருமான மொகமட் யூசுப் சர்வதேச கிறிக்கற் போட்டிகளிலிருந்து ஓய்வுபெறத் தீர்மானித்துள்ளார்.

35 வயதான யூசுப் ஒரு கலண்டர் வருடத்தில் அதிக ரெஸ்ற் ஓட்டங்களான 1788 ஓட்டங்களை 2006ம் ஆண்டு பெற்று உலக சாதனை படைத்துள்ளமை குறிப்பிடத்தக்கது. இவர் 2 வாரங்களுக்கு முன்னர் பாகிஸ்தான் கிறிக்கற் சபையால் தடை செய்யப்பட்டமை குறிப்பிடத்தக்கது.

'ஆம். பாகிஸ்தான் கிறிக்கற் வீரர் என்ற நிலையிலிருந்து ஓய்வு பெறத் தீர்மானித்துள்ளேன். எனது முடிவு உணர்வு மேலீட்டால் எடுக்கப்பட்ட ஒன்றல்ல' என்று AFP செய்தி நிறுவனத்திற்கு யூசுப் தெரிவித்துள்ளார்.

'இத்துணை ஏற்றுக் கொள்ள முடியாத அவமானத்திற்குப் பின்னர் தொடர்ந்து பாகிஸ்தானுக்காக கிறிக்கற் விளையாடுவதில் அர்த்தமேதும் இல்லை. எனது முடிவை வரும் திங்கட்கிழமை அறிவிப்பேன்' என்று தெரிவித்துள்ளார்.

கடந்த வாரம் தடையை எதிர்த்து முறையிடப் போவதாக யூசுப் அறிவித்திருந்தமை குறிப்பிடத்தக்கது.
'ஆம். நான் இப்போதும் மேன்முறையீடு செய்யலாம். ஆனால் இறுதி முடிவு திங்கட்கிழமை எடுக்கப்படும்.' என்றார்.

கடந்த வாரம் வெளியிடப்பட்ட பாகிஸ்தான் வீரர்களுக்கான ஒப்பந்தத்தில் யூசுப்பின் பெயர் இடம்பெறாமையால் மேலும் வருத்தமடைந்திருந்த யூசுப் 'நான் நிறையவே காயப்பட்டு உணர்கிறேன். நான் எப்போதும் பாகிஸ்தானுக்காகவே விளையாடினேன், எனது இரசிகர்கள் இதை அறிவார்கள். ஆனால் பாகிஸ்தானில் கிறிக்கற்றை நடத்துபவர்களுக்கு இது தெரியாது, இது சோகமானது' என்றார்.

'எனது 12 வருட கிறிக்கற் வாழ்க்கை களங்கமற்றது. நான் யாரையும் ஏமாற்றியிருக்கவில்லை' என்றார்.

றோமன் கத்தோலிக்கராக பிறந்த யூசுப் 2005ம் ஆண்டு இஸ்லாம் மதத்தைத் தழுவிக் கொண்டதோடு அதன்பின் கிறிக்கற் தவிர மத போதனைகளிலும் ஈடுபட்டு வந்தமை குறிப்பிடத்தக்கது.
இதவரை யூசுப் 88 ரெஸ்ற் போட்டிகளில் 24 சதங்கள் உட்பட 7431 ஓட்டங்களையும் 282 ஒருநாள் சர்வதேசப் போட்டிகளில் 9624 ஓட்டங்களையும் பெற்றுள்ளார்.

இவர் 2007ம் ஆண்டுக்கான சிறந்த கிறிக்கற் வீரராக சர்வதேச கிறிக்கற் சபையால் தெரிவுசெய்யப்பட்டிருந்தமை குறிப்பிடத்தக்கது.

மும்பாய் முன்னிலையில் - IPL

2010-03-26T06:51:00.001-07:00

இதுவரை முடிவடைந்த IPL போட்டிகளின் படி மும்பாய் அணி முன்னிலை பெற்றுள்ளது. இதுவரை மும்பாய் ஒரு போட்டியில் மட்டுமே தோல்வியடைந்திருப்பது குறிப்பிடத்தக்கது.
மும்பாய், ரோயல் சலஞ்சர்ஸ் ஆகிய அணிகள் மாத்திரம் தலா நான்கு போட்டிகளில் வெற்றியீட்டியுள்ளது. ஆனால் றோயஸ் சலஞ்சர்ஸ், டெல்லி, சென்னை ஆகிய அணிகள் மட்டுமே இதுவரை 6 போட்டிகளில் விளையாடியுள்ளது குறிப்பிடத்தக்கது.
மும்பாய், ராஜஸ்தான், நைட் ரைடர்ஸ், பஞ்சாப் ஆகிய அணிகள் தலா 5 போட்டிகளிலும், டெக்கன் 4 போட்டிகளிலும் விளையாடியுள்ளது.பெரிதும் எதிர்பார்க்கப்பட்ட புதிய தலைமையுடன்கூடிய பஞ்சாப் மற்றும் நைட்ரைடர்ஸ் அணிகளில் பஞ்சாப் ஆரம்பம் முதலே சரிவைச்சந்தித்து வருவதும், டெல்லி சிறப்பாக ஆரம்பித்த போதிலும் தற்போது புள்ளிப்பட்டியலில் 7வதாக இடம்பிடித்திருப்பதும் குறிப்பிடத்தக்கது.
நேற்று முடிவடைந்த IPLலின் 21வது போட்டி வரையிலான அணிகளின் நிலவரம் வருமாறு

அணி	போட்டி	வெற்றி	தோல்வி	புள்ளி	NRR
மும்பாய்	5	4	1	8	+1.167
ரோயல்சலஞ்சர்ஸ்	6	4	2	8	+0.961
டெக்கன்	4	3	1	6	+0.450
டெல்லி	6	3	3	6	-.618
சென்னை	6	2	4	4	-.079
ராஜஸ்தான்	5	2	3	4	-.425
நைட்ரைடர்ஸ்	5	2	3	4	-.851
பஞ்சாப்	5	1	4	2	-.533

இன்று கடந்த இரு IPL தொடா்களிலும் சம்பியனான ராஜஸ்தான், டெக்கன் ஆகிய அணிகள் மோதவிருப்பது குறிப்பிடத்தக்கது.

இருபதுக்கு இருபது உலகக் கிண்ண இந்திய அணி அறிவிப்பு...

2010-03-26T01:57:00.000-07:00

இருபதுக்கு இருபது உலகக் கிண்ணத்திற்கான இந்திய அணி அறிவிக்கப்பட்டுள்ளது.
அறிவித்த இந்திய அணியில் புதிய வீரராக கர்நாடகாவைச் சேர்ந்த வினய் குமார் மட்டுமே இடம்பெறுகிறார். இதேவேளை சுழற்பந்துவீச்சாளரான பியூஸ் சவ்லா உம் கிட்டத்தட்ட 2 வருடங்களின் பின்னர் அணிக்கு திரும்புகிறார்.
எதிர்பார்க்கப்பட்ட வீரர்களில் வேகப்பந்துவீச்சாளர் இசாந் சர்மா மற்றும் துடுப்பாட்ட வீரர் விராத் கோலி, மனிஷ் பான்டி ஆகியோர் முக்கியமாக அணியில் சேர்த்துக் கொள்ளப்படவில்லை....

காயங்கள் காரணமாக அவஸ்தைப்படும் கம்பீர் மற்றும் ஆஷிஷ் நெக்ரா ஆகியோருக்கு அணியில் இடம் வழங்கப்பட்டுள்ளது.

இரண்டாவது சுழற்பந்துவீச்சாளர் இடத்தை ப்ரஹ்ஜான் ஒசா மற்றும் அமித் மிஸ்ராவைப் பின்தள்ளி பியூஸ் சவ்லா கைப்பற்றுகிறார்.

அணி:
மகேந்திரசிங் டோணி, விரேந்தர் செவாக், கெளதம் கம்பீர், யுவ்ராஜ் சிங், சுரேஷ் ரெய்னா, யூசுப் பதான், டினேஷ் கார்த்திக், ரவீந்திர ஜடேஜா, ஷகீர் கான், பிரவீன் குமார், ஆஷிஷ் நெக்ரா, ஹர்பஜன் சிங், பியூஸ் சவ்லா, வினய் குமார், றோகித் சர்மா

பாகிஸ்தான் அணித்தலைவராக அப்ரிடி...

2010-03-23T03:37:00.000-07:00

அடுத்த மாதம் கரீபியனில் நடைபெறவுள்ள உலகக்கிண்ண இருபதுக்கு இருபது தொடருக்கான பாகிஸ்தான் அணியின் தலைவராக ஷகீட் அப்ரிடி அறிவிக்கப்பட்டுள்ளார்...

அவுஸ்ரேலியாவில் பந்தைக் கடித்த சம்பவத்தின் பின்னர் அணித்தலைமைப்பதவி ஷகீட் அப்ரிடிக்கு வழங்கப்படாது என சில கருத்துக்கள் எழுப்பப்பட்ட போதிலும் பாகிஸ்தான் கிறிக்கற் சபை ஷகீட் அப்ரிடியை அணித்தலைவராக அறிவித்துள்ளது.

இது தொடர்பாக மேலதிக செய்திகளை தொடர்ந்து வழங்குவதாக கிறிக்கின்போ தெரிவிக்கிறது...

தொடர - http://www.cricinfo.com/pakistan/content/story/453170.html

IPL இதுவரையிலான நிலவரம்

2010-03-16T20:29:00.000-07:00

60 போட்டிகள் கொண்ட IPL தொடரில் இதுவரை 8 போட்டிகள் முடிவடைந்திருக்கின்றன. அதன்படிடெல்லியும் நைட்ரைடர்ஸ் அணியும் தற்போதைய நிலவரப்படி முன்னிலை வகிக்கின்றன. டெல்லி, நைட்றைடர்ஸ், சென்னை,ராஜஸ்தான் பங்களூர் பஞ்சாப் ஆகிய அணிகள் தலா இரண்டு போட்டிகளிலும், நைட்றைடர்ஸ் மூன்று போட்டிகளிலும் விளையாடியிருப்பதும் மும்பாய் ஒரு போட்டியில் மட்டுமே விளையாடியிருப்பதும் குறிப்பிடத்தக்கது.

அணி	புள்ளி	வெற்றி	தோல்வி	NR	புள்ளி	NRR
டெல்லி	2	2	0	0	4	0.71
நைட்றைடர்ஸ்	3	2	1	0	4	-0.64
சென்னை	2	1	1	0	2	0.60
டெக்கன்	2	1	1	0	2	0.50
மும்பை	1	1	0	0	2	0.20
பங்களூர்	2	1	1	0	2	0.11
பஞ்சாப்	2	0	2	0	0	-0.43
ராஜஸ்தான்	2	0	2	0	0	-0.80

அணிகள் தலா இரண்டு முறை ஒவ்வொரு அணிகளுடன் மோதவிருப்பது குறிப்பிடத்தக்கது.

இதுவரை நடைபெற்ற போட்டிகளின்படி அதிகூடிய ஓட்டங்களைப்பெற்ற வீரர்களின் விபரம் வருமாறு

வீரரின் பெயர்	போ	ஓட்ட	அதி.ஓ	சரா.	S/R	100’s	50’s	4	6’
*ஜக் கலிஸ்* (பங்களூர்)	2	154	89*	0.00	143.92	0	2	15	6
*போபரா*(பஞ்சாப்)	2	133	77	66.50	135.71	0	2	16	3
*டோனி*(சென்னை)	2	108	66*	108.00	174.19	0	1	9	5
*Y.பதான்*(ராஜஸ்)	2	100	100	50.00	238.09	1	0	9	8
*கில்கிறிஸ்ட்(டெக்கன்)*	2	92	54	46.00	176.92	0	1	7	6
சேவாக்(டெல்லி)	2	83	75	41.50	207.50	0	1	10	5

இதுவரை நடைபெற்ற போட்டிகளின்படி அதிகூடிய விக்கற்களைப் பெற்ற வீரர்களின் விபரம் வருமாறு

வீரரின் பெயர்	போ	விக்க	சி.ப	சரா.	Econ	4விக்	5விக்
*வாஸ்* (டெக்கன்)	2	5	3/21	8.60	6.14	0	0
*மத்தியூஸ்*(நைட்றைடர்ஸ்)	3	5	4/19	15.00	6.81	1	0
*மஸ்கரைனஸ்*(ராஜஸ்தான்)	2	4	2/31	16.25	8.12	0	0
*கெம்ப்* (சென்னை)	2	3	3/12	9.00	5.22	0	0
நானெஸ்(டெல்லி)	2	3	2/12	13.00	4.87	0	0
முரளிகார்த்திக் (நைட்ரைடர்ஸ்)	3	3	2/22	20.00	5.45	0	0

IPL கோலாகலமாக ஆரம்பமாகியது -வீடியோ இணைப்பு

2010-03-12T06:44:00.000-08:00

இன்று இந்தியன் பிறிமியர் லீக் போட்டிகள் மும்பாய் பட்டேல் ஸ்போட்ஸ் எக்கடமி ஸ்டேடியத்தில் இனிதே ஆரம்பமாகியது. அணிகளின் தலைவர்களை அறிமுகம் செய்வதுடன் ஆரம்பமான ஆரம்ப நிகழ்வு, அதன் பின்னர் IPL தலைவர் லலித் மோடியின் நீண்ட பேச்சுடனும், கோலாகலமான களியாட்ட நிகழ்வுகளுடனும் இனிதே ஆரம்பமாகியது.

லலித் மோடி தனது பேச்சில் தான் இந்தியனாக இருப்பதற்கு பெருமைப்படுவதாகவும், NFL உதைபந்தாட்ட லீக் போட்டிகள், கூடைப்பந்துப்போட்டிகளை விட IPL போட்கள் பிரபல்லமடைந்திருப்பதாகவும் அதனால் தான் மிகுந்த மகிழ்ச்சியடைந்ததாகவும் தெரிவித்தார்.

இந்தமுறை 8அணிகளுடனும், 97 வீரர்களுடனும், 60 போட்டிகளைக் கொண்டதாக IPL அமையவிருப்பது குறிப்பிடத்தக்கது. இன்றைய முதல் போட்டி டெக்கன் சார்ஜஸ் மற்றும் கொல்கத்தா நைட் ரைடர்ஸ் அணிகளுக்கிடையே நடைபெறவிருப்பது குறிப்பிடத்தக்கது.

ஒவ்வொரு போட்டி முடிவுகளையும் உடனுக்குடன் வழங்க நாங்கள் தயாராக இருக்கிறோம். தமிழில் கிறிக்கற் தளத்துடன் இணைந்திருங்கள்.

யூசுப் சர்வதேச கிறிக்கற்றிலிருந்து ஓய்வா?

2010-03-11T03:24:00.000-08:00

அணித்தலைவர் மொகமட் யூசுப் இற்கு எதிரான தடை வாழ்நாள் தடையல்ல என்றும் நிலைவரத்திற்கு ஏற்ப மாற்றப்படலாம் என்று பாகிஸ்தான் கிறிக்கற் சபை தெளிவுபடுத்தியுள்ள போதிலும் மன ரீதியில் தாக்கப்பட்டுள்ள அணித்தலைவர் யூசுப் ஓய்வை நோக்கிய முடிவுகளை எடுக்கிறார் என்று தெரிவிக்கப்படுகிறது

பாகிஸ்தான் கிறிக்கற் சபையால் தன்மீது தடைவிதிக்கப்பட்டதாக செய்தி வந்தபோது யூசுப் மிகவும் கலக்கமடைந்ததாக யூசுப்பிற்கு நெருக்கமான வட்டாரங்கள் தெரிவிக்கின்றன.எனவே யூசுப் உடனடியாக சிந்தித்து சர்வதேச கிறிக்கறிறிலிருந்து ஓய்வெடுக்கவிருப்பதாகவும் ஆனால் தாங்கள் அவரை அந்த ஓய்வு எடுக்கும் விடயம் பற்றி மீள்பரிசீலனை செய்யச்சொல்லப்போவதாகவும் அவர் தற்போதைய சூள்நிலையில் மிகுந்த குழப்பமடைந்திருப்பதாகவும் அவருக்கு நெருங்கிய வட்டாரங்கள் தெரிவிக்கின்றன.

மேலும் கருத்துத் தெரிவித்த யூசுப்பின் நண்பர் யூசுப் பாகிஸ்தான் கிறிக்கற் சபை தன்மீது விதித்த தடையை கேள்வியுற்று அதிர்ச்சியும் குழப்பமும் அடைந்ததாகவும் அவருக்கு ஊடகங்களில் செய்தி வெளியாகிய போதே செய்தி தெரியும் என்றும் தெரிவித்தார்.

அவருக்கு தான் செய்த பிழை என்ன என்பது தெரிய வேண்டும், அவருக்கு இதுவரை பாக். கிறிக்கற் சபையிடமிருந்து இதுவரை உத்தியோகபூர்வமான தகவல்கள் கிடைக்கவில்லை, ஒரு தொலைபேசி அழைப்புக்கூட வரவில்லை. பாகிஸ்தானின் ஒரு மூத்தவீரரை பாக்.கிறிக்கற் சபை நடாத்தும் விதம் சரியல்ல என்று அவர் தெரிவித்தார்.

யூசுப் இதுவரை 88 டெஸ்ட் போட்டிகளில் விளையாடி 7431 ஓட்டங்களை 53 எனும் சராசரியுடன் பெற்றுள்ளார் இது பாகிஸ்தான் வீரர்களால் பெறப்பட்ட அதிகூடிய மூன்றாவது டெஸ்ட் ஓட்டமாகும் என்பது குறிப்பிடத்தக்கது.

யூசுப், யூனிஸ்கான் மீது வாழ்நாள் தடை- பாகிஸ்தான் கிறிக்கற் சபை அதிரடி...

2010-03-09T23:30:00.000-08:00

விசாரணைக்குழுவின் அறிக்கையைப் பெற்ற பாகிஸ்தான் கிறிக்கற் சபை மிகவும் உறுதியான தண்டனைகளை பாகிஸ்தான் அணியின் தேசிய கிறிக்கற் வீரர்கள் மீது விதித்திருக்கிறது.

அதில் உச்சக்கட்டமாக எதிர்பாராத வகையில் பாகிஸ்தான் கிறிக்கற் அணியின் மூத்த வீரர்களான மொகமட் யூசுப் மற்றும் யுனிஸ்கான் ஆகியோர் பாகிஸ்தான் தேசிய அணியிலிருந்து நீக்கப்பட்டுள்ளனர். இதன்படி இவர்கள் இனி எதிர்காலத்தில் பாகிஸ்தான் சார்பாக சர்வதேச கிறிக்கற் போட்டிகளில் விளையாட முடியாது. எனினும் உள்ளூர் போட்டிகளிலும் கவுன்ரி போட்டிகளிலும் விளையாட அனுமதிக்கப்பட்டுள்ளது.
அதைத் தவிர எதிர்பார்க்கப்பட்டது போல சொய்ப் மலிக் மற்றும் ரானா நவீட் உல் ஹசன் ஆகியோருக்கு ஒருவருடத்தடையும், அக்மல் சகோதரர்கள் மற்றும் அப்ரிடி மீது 2 தொடக்கம் 3 மில்லியம் தண்டப்பணமும் இவர்கள் மூவரும் 6 மாதகால கண்காணிப்பில் இருப்பார்கள் என்றும் பாகிஸ்தான் கிறிக்கற் சபை அதிரடி நடத்தியிருக்கிறது.

இது தொடர்பான செய்திகள் தொடர்ந்து வருகையில் அவற்றை தொடர்ந்து இற்றைப்படுத்தக் காத்திருக்கிறோம்....

http://www.cricinfo.com/pakistan/content/story/451392.html

பின்குறிப்பு: இறுதி அறிக்கையின்படி யுனிஸ்கான் மற்றும் யூசுப்கான் ஆகியோருக்கு விதிக்கப்பட்டது வாழ்நாள் தடை என்று சொல்ல முடியாது என்றும் ஆனால் மட்டுப்படுத்தப்படாத காலப்பகுதிக்கு, குறிப்பிடமுடியாத காலப்பகுதிக்கு தடை விதிக்கப்பட்டுள்ளதாகத் தெரிவிக்கப்படுகிறது...

IPL போட்டி அட்டவணை

2010-03-09T17:47:00.000-08:00

திகதியும் நேரமும்	போட்டி

வெள்ளி மார்ச் 12 14:30 GMT \| 20:00 local 20:00 IST	1வது போட்டி - டெக்கன் v நைட் றைடர்ஸ் Dr DY பட்டேல் ஸ்போர்ட்ஸ் எக்கடமி, மும்பை

சனி மார்ச் 13 09:30 GMT \| 15:00 local 15:00 IST	2வது போட்டி - மும்பை v ராஜஸ்தான் பிரபோன் ஸ்டேடியம், மும்பை

சனி மார்ச் 13 14:30 GMT \| 20:00 local 20:00 IST	3வது போட்டி - பஞ்சாப் v டெல்லி பஞ்சாப் கிறிக்கற் அசோசியேசன் ஸ்ரேடியம், மொஹாலி,சண்டிகர்

ஞாயிறு மார்ச் 14 10:30 GMT \| 16:00 local 16:00 IST	4வது போட்டி - நைட் ரைடர்ஸ் v றோயல் சலஞ்சர்ஸ் ஈடன் கார்டன், கொல்கத்தா

ஞாயிறு மார்ச் 14 14:30 GMT \| 20:00 local 20:00 IST	5வது போட்டி - சுப்பர் கிங்ஸ் v டெக்கன் MA சிதம்பரம் ஸ்டேடியம், சென்னை

திங்க மார்ச் 15 14:30 GMT \| 20:00 local 20:00 IST	6வது போட்டி - ராஜஸ்தான் v டெல்லி சர்தார் பட்டேல் ஸ்டேடியம், மொத்ரா, அஹமதாபாத்

செவ் மார்ச் 16 10:30 GMT \| 16:00 local 16:00 IST	7வது போட்டி- றோயல் சலஞ்சர்ஸ் v பஞ்சாப் M சின்னஸ்வாமி ஸ்டேடியம், பங்களூர்

செவ் மார்ச் 16 14:30 GMT \| 20:00 local 20:00 IST	8வது போட்டி - நைட் றைடர்ஸ் v சென்னை ஈடன் கார்டன், கொல்கத்தா

புதன் மார்ச் 17 14:30 GMT \| 20:00 local 20:00 IST	9வது போட்டி - டெல்லி v மும்பை பெரோஸ் சா கொட்லா, டெல்லி

வியா மார்ச் 18 14:30 GMT \| 20:00 local 20:00 IST	10வது போட்டி - றோயல் சலஞ்சர்ஸ் v ராஜஸ்தான் M சின்னஸ்வாமி ஸ்டேடியம், பங்களூர்

வெள்ளி மார்ச் 19 10:30 GMT \| 16:00 local 16:00 IST	11வது போட்டி- டெல்லி v சென்னை பெரோஸ் சா கொட்லா, டெல்லி

வெள்ளி மார்ச் 19 14:30 GMT \| 20:00 local 20:00 IST	12வது போட்டி- டெக்கன் v பஞ்சாப் பார்பதி ஸ்சேடியம், குத்தக்

சனி மார்ச் 20 10:30 GMT \| 16:00 local 16:00 IST	13வது போட்டி - ராஜஸ்தான் v நைட் றைடர்ஸ் சர்தார் பட்டேல் ஸ்டேடியம், மொத்ரா, அஹமதாபாத்

சனி மார்ச் 20 14:30 GMT \| 20:00 local 20:00 IST	14வது போட்டி - மும்பை v றோயல் சலஞ்சர்ஸ் பிரபோன் ஸ்டேடியம், மும்பை

ஞாயிறு மார்ச் 21 10:30 GMT \| 16:00 local 16:00 IST	15வது போட்டி - டெக்கன் v டெல்லி பார்பதி ஸ்சேடியம், குத்தக்

ஞாயிறு மார்ச் 21 14:30 GMT \| 20:00 local 20:00 IST	16வது போட்டி - சென்னை v பஞ்சாப் MA சிதம்பரம் ஸ்டேடியம், சென்னை

திங்க மார்ச் 22 14:30 GMT \| 20:00 local 20:00 IST	17வது போட்டி - மும்பை v நைட் றைடர்ஸ் பிரபோன் ஸ்டேடியம், மும்பை

செவ் மார்ச் 23 14:30 GMT \| 20:00 local 20:00 IST	18வது போட்டி- றோயல் சலஞ்சர்ஸ் v சென்னை M சின்னஸ்வாமி ஸ்டேடியம், பங்களூர்

புதன் மார்ச் 24 14:30 GMT \| 20:00 local 20:00 IST	19வது போட்டி - பஞ்சாப் v ராஜஸ்தான் பஞ்சாப் கிறிக்கற் அசோசியேசன் ஸ்ரேடியம், மொஹாலி,சண்டிகர்

வியா மார்ச் 25 14:30 GMT \| 20:00 local 20:00 IST	20வது போட்டி - மும்பை v சென்னை பிரபோன் ஸ்டேடியம், மும்பை

வெள்ளி மார்ச் 26 14:30 GMT \| 20:00 local 20:00 IST	21st match - ராஜஸ்தான் v டெக்கன் சர்தார் பட்டேல் ஸ்டேடியம், மொத்ரா, அஹமதாபாத்

சனி மார்ச் 27 10:30 GMT \| 16:00 local 16:00 IST	22nd match - பஞ்சாப் v நைட் றைடர்ஸ் பஞ்சாப் கிறிக்கற் அசோசியேசன் ஸ்ரேடியம், மொஹாலி,சண்டிகர்

சனி மார்ச் 27 14:30 GMT \| 20:00 local 20:00 IST	23rd match - றோயஸ் சலஞ்சர்ஸ் v டெல்லி M சின்னஸ்வாமி ஸ்டேடியம், பங்களூர்

ஞாயிறு மார்ச் 28 10:30 GMT \| 16:00 local 16:00 IST	24வது போட்டி - ராஜஸ்தான் v சென்னை சர்தார் பட்டேல் ஸ்டேடியம், மொத்ரா, அஹமதாபாத்

ஞாயிறு மார்ச் 28 14:30 GMT \| 20:00 local 20:00 IST	25வது போட்டி - டெக்கன் v மும்பை Dr DY பட்டேல் ஸ்போர்ட்ஸ் எக்கடமி, மும்பை

திங்க மார்ச் 29 14:30 GMT \| 20:00 local 20:00 IST	26வது போட்டி - டெல்லி v நைட் றைடர்ஸ் பெரோஸ் சா கொட்லா, டெல்லி

செவ் மார்ச் 30 14:30 GMT \| 20:00 local 20:00 IST	27வது போட்டி- மும்பை v பஞ்சாப் பிரபோன் ஸ்டேடியம், மும்பை

புதன் மார்ச் 31 10:30 GMT \| 16:00 local 16:00 IST	28வது போட்டி - சென்னை v றோயல் சலஞ்சர்ஸ் MA சிதம்பரம் ஸ்டேடியம், சென்னை

புதன் மார்ச் 31 14:30 GMT \| 20:00 local 20:00 IST	29வது போட்டி- டெல்லி v ராஜஸ்தான் பெரோஸ் சா கொட்லா, டெல்லி

வியா ஏப்ர 1 14:30 GMT \| 20:00 local 20:00 IST	30வது போட்டி - நைட் றைடர்ஸ் v டெக்கன் ஈடன் கார்டன், கொல்கத்தா

வெள்ளி ஏப்ர 2 14:30 GMT \| 20:00 local 20:00 IST	31st match - பஞ்சாப் v றோயல் சலஞ்சர்ஸ் பஞ்சாப் கிறிக்கற் அசோசியேசன் ஸ்ரேடியம், மொஹாலி,சண்டிகர்

சனி ஏப்ர 3 10:30 GMT \| 16:00 local 16:00 IST	32nd match - சென்னை v ராஜஸ்தான் MA சிதம்பரம் ஸ்டேடியம், சென்னை

சனி ஏப்ர 3 14:30 GMT \| 20:00 local 20:00 IST	33rd match - மும்பை v டெக்கன் பிரபோன் ஸ்டேடியம், மும்பை

ஞாயிறு ஏப்ர 4 10:30 GMT \| 16:00 local 16:00 IST	34வது போட்டி - நைட் றைடர்ஸ் v பஞ்சாப் ஈடன் கார்டன், கொல்கத்தா

ஞாயிறு ஏப்ர 4 14:30 GMT \| 20:00 local 20:00 IST	35வது போட்டி - டெல்லி v றோயல் சலஞ்சர்ஸ் பெரோஸ் சா கொட்லா, டெல்லி

திங்க ஏப்ர 5 14:30 GMT \| 20:00 local 20:00 IST	36வது போட்டி - டெக்கன்s v ராஜஸ்தான் விதர்பா கிறிக்.அசோசியேசன் ஸ்ரேடியம்,ஜம்தா, நாக்பூர்

செவ் ஏப்ர 6 14:30 GMT \| 20:00 local 20:00 IST	37வது போட்டி - சென்னை v மும்பை MA சிதம்பரம் ஸ்டேடியம், சென்னை

புதன் ஏப்ர 7 10:30 GMT \| 16:00 local 16:00 IST	38வது போட்டி- ராஜஸ்தான் v பஞ்சாப் நவாய் மன்சிங் ஸ்ரேடியம், ஜெய்பூர்

புதன் ஏப்ர 7 14:30 GMT \| 20:00 local 20:00 IST	39வது போட்டி - நைட் றைடர்ஸ் v டெல்லி ஈடன் கார்டன் கொல்கத்தா

வியா ஏப்ர 8 14:30 GMT \| 20:00 local 20:00 IST	40வது போட்டி- றோயஸ் சலஞ்சர்ஸ் v டெக்கன் M சின்னஸ்வாமி ஸ்டேடியம், பங்களூர்

வெள்ளி ஏப்ர 9 14:30 GMT \| 20:00 local 20:00 IST	41வது போட்டி - பஞ்சாப் v மும்பை பஞ்சாப் கிறிக்கற் அசோசியேசன் ஸ்ரேடியம், மொஹாலி,சண்டிகர்

சனி ஏப்ர 10 10:30 GMT \| 16:00 local 16:00 IST	42வது போட்டி - டெக்கன் v சென்னை விதர்பா கிறிக்.அசோசியேசன் ஸ்ரேடியம்,ஜம்தா, நாக்பூர்

சனி ஏப்ர 10 14:30 GMT \| 20:00 local 20:00 IST	43வது போட்டி - றோயல் சலஞ்சர்ஸ் v நைட் றைடர்ஸ் M சின்னஸ்வாமி ஸ்டேடியம், பங்களூர்

ஞாயிறு ஏப்ர 11 10:30 GMT \| 16:00 local 16:00 IST	44வது போட்டி - டெல்லி v பஞ்சாப் பெரோஸ் சா கொட்லா டெல்லி

ஞாயிறு ஏப்ர 11 14:30 GMT \| 20:00 local 20:00 IST	45வது போட்டி - ராஜஸ்தான் v மும்பை நவாய் மன்சிங் ஸ்ரேடியம், ஜெய்பூர்

திங்க ஏப்ர 12 14:30 GMT \| 20:00 local 20:00 IST	46வது போட்டி - டெக்கன் v றோயல் சலஞ்சர்ஸ் விதர்பா கிறிக்.அசோசியேசன் ஸ்ரேடியம்,ஜம்தா, நாக்பூர்

செவ் ஏப்ர 13 10:30 GMT \| 16:00 local 16:00 IST	47வது போட்டி - மும்பை v டெல்லி பிரபோன் ஸ்டேடியம், மும்பை

செவ் ஏப்ர 13 14:30 GMT \| 20:00 local 20:00 IST	48வது போட்டி - சென்னை vநைட் றைடர்ஸ் MA சிதம்பரம் ஸ்டேடியம், சென்னை

புதன் ஏப்ர 14 14:30 GMT \| 20:00 local 20:00 IST	49வது போட்டி - ராஜஸ்தான் v றோயல் சலஞ்சர்ஸ் நவாய் மன்சிங் ஸ்ரேடியம், ஜெய்பூர்

வியா ஏப்ர 15 14:30 GMT \| 20:00 local 20:00 IST	50வது போட்டி- சென்னை v டெல்லி MA சிதம்பரம் ஸ்டேடியம், சென்னை

வெள்ளி ஏப்ர 16 14:30 GMT \| 20:00 local 20:00 IST	51வது போட்டி - பஞ்சாப் v டெக்கன் ஹிமாசலபிரதேஸ் கிறிக்.அசோசியேசன் ஸ்ரேடியம், தர்மசாலா

சனி ஏப்ர 17 10:30 GMT \| 16:00 local 16:00 IST	52வது போட்டி - றோயல் சலஞ்சர்ஸ் v மும்பை M சின்னஸ்வாமி ஸ்டேடியம், பங்களூர்

சனி ஏப்ர 17 14:30 GMT \| 20:00 local 20:00 IST	53rd match - நைட் றைடர்ஸ் v ராஜஸ்தான் ஈடன் கார்டன், கொல்கத்தா

ஞாயிறு ஏப்ர 18 10:30 GMT \| 16:00 local 16:00 IST	54வது போட்டி - பஞ்சாப் v சென்னை ஹிமாசலபிரதேஸ் கிறிக்.அசோசியேசன் ஸ்ரேடியம், தர்மசாலா

ஞாயிறு ஏப்ர 18 14:30 GMT \| 20:00 local 20:00 IST	55வது போட்டி - டெல்லி v டெக்கன் பெரோஸ் சா கொட்லா, டெல்லி

திங்க ஏப்ர 19 14:30 GMT \| 20:00 local 20:00 IST	56வது போட்டி - நைட் றைடர்ஸ் v மும்பை ஈடன் கார்டன், கொல்கத்தா

புதன் ஏப்ர 21 14:30 GMT \| 20:00 local 20:00 IST	அரையிறுதி - TBC v TBC M சின்னஸ்வாமி ஸ்டேடியம், பங்களூர்

வியா ஏப்ர 22 14:30 GMT \| 20:00 local 20:00 IST	அரையிறுதி- TBC v TBC M சின்னஸ்வாமி ஸ்டேடியம், பங்களூர்

சனி ஏப்ர 24 14:30 GMT \| 20:00 local 20:00 IST	3வது இடத்துக்கான போட்டி - TBC v TBC Dr DY பட்டேல் ஸ்போர்ட்ஸ் எக்கடமி, மும்பை

ஞாயிறு ஏப்ர 25 14:30 GMT \| 20:00 local 20:00 IST	இறுதி - TBC v TBC Dr DY பட்டேல் ஸ்போர்ட்ஸ் எக்கடமி, மும்பை

(அட்டவணை தேவையானவர்கள் பக்கத்தைச் சேமித்து வைத்துக் கொள்ளுங்கள்)

பாகிஸ்தானின் வீரர்களுக்கு ஒரு வருட போட்டித்தடை

2010-03-08T21:14:00.000-08:00

அவுஸ்திரேலியாவுடனான வெள்ளையடிப்புத் தோல்விக்குப்பிறகு பாகிஸ்தான் கிறிக்கற்றில் பல குளறுபடிகள் நடந்தது குறிப்பிடத்தக்கது. அந்த வகையில் பல பாகிஸ்தான் கிறிக்கற் வீரர்களுக்கு அபராதம் தடை என்பன விதிக்கப்பட்டுள்ளது.

பாகிஸ்தான் சகலதுறை விரர் சொகைப் மலிக், மற்றும் ரானா நாவிட் ஆகியோர் ஒரு வருட போட்டித்தடை மற்றும் 2 மில்லியன் அபராதம் விதிக்கப்பட்டுள்ளனர். இவர்கள் தவிர அப்ரிடி, கம்ரான் அக்மல், உமர் அக்மல் ஆகியோருக்கும் அவர்களின் நடத்தையை சீர்செய்துகொள்ள இறுதி எச்சரிக்கை விடுக்கப்பட்டுள்ளதுடன் அப்ரிடி கம்ரான் அக்மல் ஆகியோருக்கு 3 மில்லியன் அபராதமும்? உமர் அக்மலுக்கு 2மில்லியன் அபராதமும் விதிக்கப்பட்டுள்ளது.

ருவன்ரி ருவன்ரி உலகக்கிண்ணத்துக்கான 15 பேர் கொண்ட பாகிஸ்தான் அணியும் தெரிவு செய்யப்பட்டிருப்பதுடன் சொகைப் மலிக், ரானா நாவீட் ஆகியோர் அணியில் சேர்க்கப்படவில்லை, தவிர மொகமட் ஹபீஸ், சல்மான் பட், கலிட் லத்தீப், உமர் அக்மல், பாவாட் அலாம், மிஸ்பா உல் ஹக், அப்துல் ரசாக்ஈ அப்ரிடி, யசீர் அரபாத், ஹமட் அசாம், உமர் குல், மொகமட் அமீர், மொகமட் அசிவ், சகீட் அஜ்மல், கம்ரான் அக்மல் ஆகியோர் அணியில் இணைக்கப்பட்டுள்ளனர்.

சாசெப், மொகமட் சமி, ரானா ஹசன், நாவ்ட்யசின், சப்ராஸ் அஹமட் ஆகியோர் மேலதிக ஐந்து வீரர்களாக அணியில் தெரிவு செய்யப்பட்டுள்ளனர்.

ஆதாரம்-http://www.onlinenews.com.pk/details.php?id=159721

IPLலில் வெளிநாட்டு வீரர்களின் வருகை உறுதி

2010-03-01T19:15:00.000-08:00

IPlலில் விளையாடும் அவுஸ்திரேலிய, இங்கிலாந்து வீரர்கள் தமது வருகையை உறுதிப்படுத்தியிருப்பதாகவும், சிலர் இந்தியாவுக்கு வந்துகொண்டிருப்பதாகவும் தகவல்கள் தெரிவிக்கின்றன.

மார்ச் 3ஆம் திகதிக்கு முதல் பஞ்சாப் அணியில் விளையாடும் இங்கிலாந்து வீரர் ரவி போபரா இந்தியாவுக்கு வந்துவிடுவார் எனத் தெரிவிக்கப்படுகிறது.ஆனால் ஊடகங்கள் ஆரம்பத்தில் போபரா கலந்துகொள்ள மாட்டார் என ஊகங்கள் தெரிவிக்கப்பட்டபோதிலும் "நாங்கள் போபராவுடன் கலந்துரையாடினோம் அவர் வருவேன் எனத் தெரிவித்தார் " என்று கிங்ஸ் லெவன் பஞ்சாப்பின் பிரதான நிறைவேற்று அதிகாரி அனில் சிரிவஸ்தவா தெரிவித்தார்.

ரவி போபரா மற்றும் பிரட் லீ ஆகியோர் நாளை வருகிறார்கள் என்று லலித் மோடி ருவிட்டரில் தெரிவித்தமை குறிப்பிடத்தக்கது. இது பற்றி போபரா கருத்துத் தெரிவிக்கையில் "கிறிக்கற் பலவழி எனது வாழ்க்கை அதற்காக உயிரைவிடுவது நல்லதல்ல என்று குறிப்பிட்டிருந்தது குறிப்பிடத்தக்கது. இதுதவிர போல் கொலிங்வுட், கெவின் பீட்டர்சனுடன் சேர்த்து 8 இங்கிலாந்து வீரர்கள் IPLலில் விளையாடுவது குறிப்பிடத்தக்து.

அவுஸ்திரேலிய வீரர்களும் அவுஸ்திரேலிய அரசின் வெளிநாட்டு அலுவல்கள் இலாகாவின் சாதகமான பதிலுக்குப்பிறகு தமது வருகையை உறுதி செய்துள்ளனர். அவுஸ்திரேலிய அரசின் வெளிநாட்டு அலுவல்கள் இலாகா "அல்-கொய்தா சம்பந்தமான தீவிரவாத அச்சறுத்தல் நம்பத்தகுந்தது அல்ல" என்று குறிப்பிட்டிருந்தது.

ராஜஸ்தான் றோயல்ஸ் அணியின் தலைவர் சேன் வோர்ன் தனது வருகையை உறுதிப்படுத்தினார். இன்னும் சில தினங்களில் ஜெய்பூருக்கு வந்துவிடுவதாக ருவிட்டரில் தெரிவித்துள்ளார். அவர் மற்ற அவுஸ்திரேலிய வீரர்களுடன் (டேமியன் மார்டின் உட்பட) இந்தியா வரவிருப்பதாகவும்.

ஜெய்பூர் அணியின் பிரதான நிறைவேற்று அதிகாரி சீன் மொரிஸ் தமது அணியின் அனைத்து வெளிநாட்டு வீரர்களும் விளையாடுவார்கள் எனவும் சிமித் கைவிரல் உபாதைக்கு சிகிற்சை பெற்று வருவதாகவும் அவர் கட்டாயம் IPLலில் கலந்துகொள்வார் எனவும் தெரிவித்தார்.

மத்தியு ஹெய்டன் மார்ச் 6ஆம் திகதி இந்தியா வருவார் எனவும், பிரட்லீ இன்னும் இரண்டு நாட்களில் வந்துவிடுவார் எனவும் தெரிவிக்கப்படுகிறது. தற்போது நடைபெற்று வரும் தொடருக்குப்பிறகு பீட்டர்சன் இந்தியா வரவார் என லலித் மோடி தெரிவித்தார்.

அவுஸ்திரேலிய வீரர்களை அதன் தலைவர் ரிக்கிப்பொன்டிங் IPLலுக்கு வரவிடாமல் செய்வதாக லலித் மோடி குற்றம்சாட்டியிருந்தது குறிப்பிடத்தக்கது.

அந்தக் கறுப்பாடு அக்மலா? மறுக்கிறார் அக்மல்...

2010-03-01T06:22:00.000-08:00

பாகிஸ்தானின் முதற்தெரிவில்லாமல் போயிருக்கும் விக்கற் காப்பாளர் மற்றும் துடுப்பாட்ட வீரரான கம்ரன் அக்மல் தான் கிறிக்கற்றை எப்போதும் மாசற்று விளையாடியதாகவும், எப்போதும் அணிக்காகவே விளையாடியதாகவும் எனினும் தன் மீதான ஆட்ட நிர்ணய குற்றச்சாட்டுக்கள் குறித்து அதிர்ச்சியடைவதாகவும் தெரிவித்துள்ளார்.

'இந்த விடயத்தை நான் நிச்சயமாக தொடர்ந்து கொண்டு செல்லப்போகிறேன்' இவ்வாறு அவர் தெரிவித்தார்.

கடந்த அவுஸ்ரேலிய சுற்றுலாவின் போது ரெஸ்ற் போட்டியொன்றில் 3 பிடிகளையும், ஒரு முக்கியமான ரண் அவுட் சந்தர்ப்பத்தையும் தவறவிட்ட பின் கம்ரன் அக்மலின் செயற்பாடுகள் கடுமையான கண்காணிப்புக்குள் வந்தமை குறிப்பிடத்தக்கது. அந்தப் போட்டியில் பாகிஸ்தான் 32 ஓட்டங்களால் தோல்வியுற்றமை குறிப்பிடத்தக்கது.

சில ஊடகங்கள் பாகிஸ்தானின் அந்தச் சுற்றுலாவிற்கான முகாமையாளராக செயற்பட்ட அப்துல் ரஹிப் கூட விசாரணைக் குழுவிடம் கம்ரனின் செயற்பாடுகள் குறித்து அச்சம் தெரிவித்திருந்ததாகத் தெரிவித்தன.

இதுவரை பாகிஸ்தானுக்காக 3 வகைக் கிறிக்கற் போட்டிகளிலும் மொத்தமாக 191 முறை களமிறங்கியிருக்கும் கம்ரன் அக்மலையும் இன்னொரு வீரரான ரானா நவீட் உல் ஹசனையும் சுட்டிக்காட்டி இவர்கள் தான் ஆட்டநிர்ணச் சதியில் ஈடுபட்டதாக செய்திகள் வெளியாகின.

எனினும் இந்தக் குற்றசாட்டுக்கள் தொடர்பாக கம்ரன் அக்மல் காட்டமாக மறுத்துள்ளார்.

'நான் ஒருபோதும் ஆட்ட நிர்ணய சதியில் ஈடுபடவில்லை. என் மீதான குற்றச்சாட்டுக்கள் அடிப்படையற்றவை. குறிப்பிட்ட சிலர் எனது கிறிக்கற் வாழ்க்கையை அழிக்க முற்படுகிறார்கள் போலத் தெரிகிறது.' என்று தெரிவித்தார் அக்மல்.

அக்மலின் நெருங்கிய நண்பரும், அவரது முகவருமான அஸார் மஜீத் உம் இது பற்றி தனது ஆட்சேபனையைத் தெரிவித்தார்.

'நான் பெயர்களை வெளியிட விரும்பவில்லை.ஆனால் பாகிஸ்தானிலுள்ள சில தனி நபர்கள் கம்ரன் அக்மலின் பெயரை நாசப்படுத்த முயல்கிறார்கள். பாகிஸ்தானுக்காக கம்ரன் விளையாடுவதை அவர்கள் விரும்பவில்லை.' என்றும் தெரிவித்தார்.

பாகிஸ்தான் வீரர்கள் ஆட்டய நிர்ணய சதியில். - ஐ.சி.சி...

2010-02-26T06:30:00.000-08:00

பாகிஸ்தான் அணியின் வீரர்கள் ஆட்டய நிர்ணய சதியில் ஈடுபட்டமைக்கான ஆதாரத்தை சர்வதேச கிறிக்கற் சபையானது பாகிஸ்தான் கிறிக்கற் சபையிடம் சமர்ப்பித்துள்ளது.
செய்தியாளர் சந்திப்பின் பின் பாகிஸ்தானின் பிரதம தெரிவாளர் இஜாஸ் பட் தற்போதைய அணியிலுள்ள இரு வீரர்களை சுட்டிக் காட்டிய மாதிரி சொல்லியதாகவும், இவை பழைய சம்பவங்களெனவும், ஈடுபட்டது பழைய வீரர்கள் எனவும் தெரிவித்துள்ளாரென கிறிக்கின்போ செய்தி வெளியிட்டுள்ளது.

இஜாஸ் பட்

தொடர்ந்து மேலதிக தகவல்கள் வரும் எனவும் கிறிக்கின்போ தெரிவிக்கிறது....

செய்தியைத் தொடர,
http://www.cricinfo.com/pakistan/content/story/450125.html
என்ற சுட்டிக்கு செல்லுங்கள்...

குறிப்பு: கிறிக்கின்போ தங்களது செய்தியை தற்போது மாற்றியிருக்கிறது.
அதன்படி அது இந்நாள் வீரர்கள் எவரும் இல்லையெனவும், பழைய பிரச்சினையே என்றும் குறிப்பிடுகின்றது.
முழுமையான செய்திகளுக்கு மேல உள்ள சுட்டியை அழுத்துக...

இதே வேளை பாகிஸ்தானின் இருபதுக்கு இருபது உலகக் கிண்ண முன்னோடிவட்ட அணி அறிவிக்கப்பட்டுள்ளது.
இதிலிருந்து சர்ச்சைக்குரிய வேகப்பந்து வீச்சாளர் சொய்ப் அக்தரும், ஐ.பி.எல் 1 இல் கலக்கிய சொகைல் தன்வீரும் சேர்த்துக் கொள்ளப்படவில்லை என்பது குறிப்பிடத்தக்கது.
அத்தோடு முன்னாள் வேகப்பந்து வீச்சாளரான வக்கார் யுனிஸ் இற்கு பயிற்சியாளர் பதவி அளிக்கப்பட்டுள்ளதாகவும், தற்போதைய பயிற்சியாளரான இஜாஸ் அகமட் தொடர்ந்து அணியின் களத்தடுப்பு பயிற்சியாளராக அணியில் இருப்பார் எனவும் தெரிவித்துள்ளார்.

சம்பியன்ஸ் லீக்கிலும் பாகிஸ்தான் இல்லை

2010-02-25T22:14:00.000-08:00

பாகிஸ்தான் சம்பியன்ஸ் லீக்கில் இம்முறை பங்குபற்றாது என்று பாகிஸ்தான் கிறிக்கட் சபைத்தலைவர் இஜாஸ் பட் தெரிவித்தார். தான் இது பற்றி ஏற்கனவே லலித் மோடியுடன் பேசியதாகவும், பாகிஸ்தானிலிருந்து ஒரு அணியும் கலந்து கொள்வதற்கான சாத்தியம் இல்லை என்றும் இஜாஸ் பட் தெரிவித்தார்.

எங்கள் வீரர்கள் IPLக்குத் தெரிவு செய்யப்படவில்லை எனவே எங்கள் நாட்டு வீரர்களோ, அணிகளோ சம்பியன் லீக்கில் பங்குபற்றப்போவதில்லை என்று தெரிவித்தார்.

சம்பியன்ஸ் லீக்கில் நாடுமுழுவதும் இருந்து சிறந்த முதல்தர அணிகள் தெரிவுசெய்யப்படும். முதலாவது சம்பியன்ஸ் லீக் கடந்த வருடம் இந்தியாவில் நடைபெற்றது. ஆனால் பங்குபற்றும் நாடுகளில் பாகிஸ்தானும் இடம்பெற்றிருந்தது, ஆனால் மும்பாய் தீவிரவாத தாக்குதலால் அவர்கள் பாகிஸ்தானை தவிர்த்திருந்தனர். 2010ஆம் ஆண்டுக்கான சம்பியன்ஸ் லீக் நடைபெறும் இடம் இன்னும் அறிவிக்கப்படவில்லை என்பது குறிப்பிடத்தக்கது.

ஆனால் இந்த அவமானமான வெளியேற்றதுக்குப்பிறகு லலித் மோடி பாகிஸ்தான் எதிர்கால போட்டிகளில் விளையாடும் என்தெரிவித்தாலும், இஜாஸ் பட் அது இன்னமும் தீர்மானிக்கப்படவில்லை, எதிர்காலத்தில் IPL மற்றும் சம்பியன்ஸ் லீக்கில் விளையாடுவது குறித்து இன்னமும் தீர்மானம் எடுக்கப்படவில்லை ஆனால் இந்த வருடம் தாங்கள் இவை ஒன்றிலும் கலந்து கொள்ளப்போவதில்லை என்று பட் தெரிவித்தார்.

சச்சின் சாதனை - தொடரை வென்றது இந்தியா

2010-02-24T09:19:00.000-08:00

இந்தியா தென்னாபிரிக்க அணிகளுக்கிடையிலான தொடர் பலராலும் எதிர்பார்க்கப்பட்ட ஒரு தொடர், டெஸ்டிலும் முதலிடத்துக்கா போட்டி இடம்பெற்றது அனைவரும் அறிந்ததே. அந்தவகையில் இன்றைய போட்டி இன்னும் முக்கியத்துவம்வாய்ந்த ஒரு உலகசாதனை நிகழ்த்தப்பட்ட போட்டி.

அதுவும் உலகின் துடுப்பாட்ட ஜாம்பவான் சச்சின் 200 ஓட்டங்கள் பெற்று அதிக ஓட்டம் பெற்ற முதல் வீரராகவும் கிறிக்கற் வரலாற்றில் 200 ஓட்டங்களைப்ப பெற்ற முதல் வீரராகவும் திகழ்கிறார். இதுவரை ஒருநாள் போட்டியில் ஒரு வீரர் பெற்ற அதிக ஓட்டமாக இருந்த சிம்பாபே வீரர் சி.கே.கொவென்ரி மற்றும் பாகிஸ்தானின் சயீட் அன்வர் ஆகியோரின் 194 ஓட்டங்கள், இன்று சச்சினால் தகர்க்கப்பட்டது.

இதில் மற்றுமொரு சாதனையாக ஒரு ஒருநாள்இன்னிங்சில் அதிக பவுண்டரிகள் பெற்ற வீரராக சச்சின் விளங்குகிறார்.

இன்றைய போட்டியில் நாணயச்சுழற்சியில் வெற்றி பெற்ற இந்தியா முதலில் துடுப்பெடுத்தாடத் தீர்மானித்தது.
அந்தவகையில் ஆரம்பத்துடுப்பாட்ட ஜோடிகளாகக் களமிறங்கிய சேவாக் சச்சின் ஆரம்பம் முதலே ஓட்டக்குவிப்பில் வேகம்காட்டினர். ஆனால் 3.5 ஆவது ஓவரில் 9 ஓட்டங்களுடன் சேவாக் ஆட்டமிழக்க, அடுத்துக்களமிறங்கிய தினேஸ் கார்த்திக் சச்சினுடன் இணைந்து சிறப்பாக விளையாடினார். 29 ஓவர்கள் நிலைத்து நின்ற இந்த ஜோடி 194 ஓட்டங்களை இணைப்பாட்டமாக பகிர்ந்து கொண்டது. 79 ஓட்டங்களைப் பெற்ற வேளையில் கார்த்திக் ஆட்டமிழக்க அடுத்து வந்த யுசுப் பதான் 36 ஓட்டங்களைப் பெற்று 41வது ஓவரில் ஆட்டமிழந்தார். அந்தவேளையில் இந்தியா 300 ஓட்டங்களை பெற்றிருந்தது குறிப்பிடத்தக்கது.

அடுத்து களமிறங்கிய அணித்தலைவர் டோனி தனது விஷ்வரூபத்தை அனைவருக்கும் காட்டியிருந்தார், 37 பந்துகளில் 68 ஓட்டங்களைப் பெற்றது குறிப்பிடத்தக்கது.(7நான்கு ஓட்டங்கள், 4 ஆறு ஓடடங்கள் அடங்கலாக).

இறுதிவரை ஆட்டமிழக்காத சச்சினின் 200 (25நான்கு ஓட்டங்கள், 3 ஆறு ஓடடங்கள் அடங்கலாக)ஓட்டங்களுடன் இந்தியா 401 ஓட்டங்களை பெற்றது.

சச்சினி பிட்ச் மப்

பதிலுக்குத் துடுப்பெடுத்தாடிய தென்னாபிரிக்க அணி, அம்லா கிப்ஸ் ஜோடியுடன் தனது இன்னிங்சை ஆரம்பித்தது. 3வது ஓவரிலேயே பிரவீன் குமார் கிப்சை ஓய்வறைக்கு அனுப்பினார். அடுத்து துடுப்பெடுத்தாட வந்த வன் டி மெர்வ் அடித்தாட முற்பட்டு சீகிகரமே ஓய்வறை திரும்பினார். ஆனால் போட்டியை வெற்றிக்கு இட்டுச்செல்வார் என்று எதிர்பார்க்கப்பட்ட ஹசிம் அம்லா ஆரம்பத்தில் சற்று நம்பிக்கையளித்தாலும் சிறீசாந்தின் பந்து வீச்சில்34 ஓட்டங்களைப் பெற்றவேளையில் ஆட்டமிழந்தார்.

அதன் பிறகு இணைந்த டிவில்லியர்ஸ், கலிஸ் ஜோடியும் நின்று பிடிக்கவில்லை, கலிசும் ஆட்டமிழக்க தனிமனிதனாக போராட்டத்தில் ஈடுட்ட டிவில்லியர்ஸ் கடைசிவரை ஆட்டமிழக்காது 101 பந்துகளுக்கு 114 ஓட்டங்களைப் பெற்றது குறிப்பிடத்தக்கது. தென்னாபிரிக்காவின் அதிகபட்ச இணைப்பாட்டமாக டி வில்லியர்ஸ், பானேல் ஜோடி பகிர்ந்து கொண்ட 77 ஓட்டங்கள் பதிவாகியது.

ஜே.பி டும்மினி,ஸ்ரெயின் ஆகியோர் ஓட்டமெதையும் பெறாமலும்,பீட்டர்சன்-9, பவுச்சர்-14, பார்னல்-18, லங்கர்வெல்ட்-12 ஆகிய சொற்ப ஓட்டங்ளையே பெற்றது குறிப்பிடத்தக்கது.

இறுதியில் தென்னாபிரிக்கா 42.5 ஓவர்களில் சகல விக்கற்றுகளையும் இழந்து 248 ஓட்டங்களை மட்டுமே பெற்று தோல்வியைத் தழுவியது.

போட்டியின் சிறப்பாட்டக்காரராக உலகசாதனைத் துடுப்பாட்டவிரர் சச்சின் தெரிவானார். அத்துடன் 3 போட்டிகள் கொண்ட ஒருநாள் தொடரில் இந்தியா 2-0 என்ற ரீதியில் வெற்றியீட்டியது.

இப்போட்டி முடிவில் சச்சினுக்கு சில்வர் துடுப்பு, மற்றும் அந்த மைதானத்தில் பார்வையாளர் அரங்குக்கு சச்சினின் பெயர் சூட்டப்படும் என அறிவிக்கப்பட்டது. தனது சாதனை பற்றி சச்சின் கூறுகையில் இந்தச்சாதனையை தான் தனது இந்திய மக்களுக்கு சமர்ப்பிப்பதாக தெரிவித்தார்.

சச்சின் 200 ஓட்டங்களைப் பெறும் போது அவுஸ்ரேலியாவின் முன்னாள் சுழற்பந்துவீச்சு ஜாம்பவான் சச்சினுக்கு வாழ்த்துக்களைத் ருவிற்றர் மூலமாக தொடர்ந்து தெரிவித்துக் கொண்டிருந்தமை குறிப்பிடத்தக்கது.

தமிழில் கிறிக்கற் வலைத்தளம் சார்பில் சச்சின் டெண்டுல்கருக்கு எமது மனமார்ந்த வாழ்த்துக்களைத் தெரிவித்துக்கொள்கிறோம்.

அடுத்த பாகிஸ்தான் பயிற்சியாளர் வக்கார் யுனிஸ்?

2010-02-24T03:31:00.000-08:00

முன்னாள் பாகிஸ்தான் கிறிக்கற்வீரர் வக்கார் யூனிஸ் தான் பாகிஸ்தானின் பயிற்றுனர் பதவியை ஏற்க தயாராக இருப்பதாகவும் முழுநேர பாகிஸ்தான் பயிற்றுனராக தயார் எனவும் தெரிவித்தார்.சிட்னியில் குடியிருக்கும் வக்கார் யூனிஸ் பாகிஸ்தான் கிறிக்கற் சபைத்தலைவர் இஜாஸ் பட்டுனனான கூட்டத்துக்குப் பிறகு முழுநேர பயிற்றுனராக இருப்பதற்கு ஒத்துக்கொண்டார்.

நான் நீண்டகாலத்துக்கு பாகிஸ்தான் பயிற்றுனராக இருக்க ஒத்துக்கொண்டதாகவும் எனவே 2011 உலகக்கிண்ணம் வரை தான் பயிற்றுனராக இருக்கலாம் என்று கருதுவதாகவும் தெரிவித்தார்.

இதேவேளை பாகிஸ்தான் கிறிக்கற் சபை பிரதான நிறைவேற்று அதிகாரி வசிம் பாரி கருத்துத் தெரிவிக்கையில் தாங்கள் வக்கார் யூனிசுடன் மேலும் பலருடன் பயிற்றுனர் பதவி பற்றி கலந்துரையாடுவதாகவும் , தற்போது நிச்சயமாக யார் பயிற்றுனர் என்று கூறமுடியாது என்றும் ஆனால் இன்னும் ஒரு வாரத்தில் பயிற்றுனர் யாரென்று தெரிவு செய்து அறிவிப்போம் என்றும் தெரிவித்தார்.

யூனிஸ்கான் பந்துவீச்சு மற்றும் களத்தடுப்புப் பயிற்சியாளராக மட்டுமே அவுஸ்திரேலிய வெள்ளையடிப்புத் தொடரில் பணியாற்றினார் என்பது குறிப்பிடத்தக்கது.

ஆனால் அவுஸ்திரேலியாவுடனான தொடர் தோல்விகளுக்கு பயிற்றுனர் மட்டுமன்றி அணிக்குள் நிலவும் கசப்புணர்வுகள், அணி ஒற்றுமை இன்மை என்ற பல செய்திகளை யூசுப், இன்டிக்காப் அலாம் ஆகியோர் ஏற்கனவே தெரிவித்திருந்தது குறிப்பிடத்தக்கது.

ரெஸ்ற் போட்டிகளிலிருந்து லீ ஓய்வு பெற்றார்...

2010-02-23T17:21:00.000-08:00

33 வயதானஅவுஸ்ரேலிய வேகப்பந்து வீச்சாளர் பிரட் லீ தனது ரெஸ்ற் கிறிக்கற்றிலிருந்து ஓய்வை அறிவித்திருக்கிறார்.

2008ம் ஆண்டு டிசம்பர் 26ம் திகதிய ரெஸ்ற் போட்டிக்குப் பிறகு இதுவரை ரெஸ்ற் போட்டிகள் எதையும் விளையாடியிருக்காத பிரட் லீ தனது ஒருநாள் மற்றும் இருபதுக்கு இருபது விளையாடும் காலத்தை, சாத்தியத்தை அதிகரிக்கும் முகமாக தான் ரெஸ்ற் கிறிக்கற் போட்டிகளிலிருந்து ஓய்வு பெறுவதாக அறிவித்தார்.

சிட்னி கிறிக்கற் மைதானத்தில் இடம்பெற்ற பத்திரிகை மாநாட்டில் றிக்கி பொன்ரிங் மற்றும் கிறிக்கற் அவுஸ்ரேலியாவின் பிரதம நிறைவேற்று அதிகாரி சகிதம் கலந்து கொண்டர் லீ...

'என்னைப் பொறுத்தவரை ரெஸ்ற் போட்டிகள் தான் எனக்கு விருப்பமானவை. அந்த பச்சைத் தொப்பியை அணிவதை நான் விரும்புகிறேன். ஆனால் நான் இன்னும் சில ஆண்டுகளுக்கு தொடர்ந்து கிறிக்கற் விளையாட விரும்பினால் சிலவற்றை விடவேண்டியுள்ளது.' என்றார் லீ.

சில அறிக்கைகள் பிரட் லீ இங்கிலாந்தின் அன்ட்ரூ பிளின்ரொவ் உடன் கலந்துரையாடிதன் பின்னர் ரெஸ்ற் கிறிக்கற் போட்டிகளிலிருந்து ஓய்வுபெறும் முடிவை எடுத்தார் என்று தெரிவித்தன.
அதை ஆமோதிப்பது போல இது நிறைய மாதங்களாக எடுக்கப்பட்ட முடிவு என்று தெரிவித்தார்.

'இது ஒருநாளில் எடுக்கப்பட்ட முடிவல்ல. இது நிறையக் காலமாக யோசிக்கப்பட்டு வந்தது. கிறிக்கற்றை விட்டு விலகி இருந்ததால் நான் என்ன செய்ய விரும்புகிறேன் என்பதை என்னால் முடிவுசெய்யக் கூடியதாக இருந்தது' என்றும் தெரிவித்தார். இது 3 தொடக்கம் 4 மாதங்கள் தொடர்ந்து யோசித்து எடுக்கப்பட்ட முடிவு, இறுதியில் முடிவாக எடுத்திருக்கிறேன்.' என்றார் லீ.

2006ம் ஆண்டு விஸ்டன் கிறிக்கற் வீரராக அறிவிக்கப்பட்ட லீ, சொயிப் அக்தருக்குப் பின் வேகமான பந்தை (மணிக்கு 160.8 கிலோ மீற்றர்) வீசிய சாதனைக்குச் சொந்தக் காரராக இருக்கிறார்.

1999 ம் ஆண்டு தனது ரெஸ்ற் அறிமுகத்தை டேற்கொண்ட லீ இதுவரை 76 ரெஸ்ற் போட்டிகளை விளையாடியிருக்கிறார்.

பத்திரிகை மாநாட்டுப் படங்கள்...

:AFP செய்தி.

பிரட்லீ டெஸ்டிலிருந்து ஓய்வு

2010-02-22T20:37:00.000-08:00

பிரட்லீ இன்று டெஸ்ட் கிறிக்கட்டிலிருந்து தனது ஓய்வை அறிவிப்பார் என எதிர்பார்க்கப்படுகிறது. 33 வயதான அவுஸ்திரேலிய வேகப்பந்து வீச்சாளர் பிரட்லீ கடந்தவாரம் தான் டெஸ்ட் கிறிக்கற் போட்டிகளிலிருந்து ஓய்வுபெற எண்ணியுள்ளதாகவும் தெரிவித்துள்ளார்.

இது பற்றி பிரட்லீ கூறும்போது "76 டெஸ்ட் போட்டிகளில் விளையாடி 310 விக்கட்டுகள் வீழ்த்தியிருக்கிறேன், ஆனால் காயங்களாலும், உபாதைகளாலும் அவை பறிக்கப்படும் போது வேதனையாக உள்ளது" என்றார். பிரட்லீ காயம் காரணமாக ஆஷஸ் போட்டியில் விளையாட முடியாமல் போனதும் அதிலிருந்து அதற்குப்பிறகு நடந்த பொக்சிங் தின கிறிக்கற் போட்டிவரை பிரட்லீ எந்த ஒரு டெஸ்டிலும் விளையாடவில்லை என்பதும் குறிப்பிடத்தக்கது.

மேலும் கருத்துத்தெரிவித்த பிரட்லீ எனது கிறிக்கற் வாழ்க்கையில் எதுவும் நடக்கலாம் நான் சிலவேளை ஒருநாள் போட்டிகளில் விளையாடலாம், அல்லது விளையாடாமலே போகலாம், எனது கிறிக்கற் வாழ்க்கை எனக்கு திருப்தியளிக்கிறது, ஆனால் இது எனது கிறிக்கற் வாழ்க்கை முடிந்து விட்டது என்றும் கூறமுடியாது.

நான் கிறிக்கற்றில் இன்னும் என்ன செய்ய வேண்டும் உண்மையாகவே எனக்குத்தெரியாது, எனக்குத் தெரிந்தவற்றை நான் களத்தில் செய்யத்தயாராக இருக்கிறேன். என்றார்.

அன்ரு பிளின்டோஃப், ஜேக்கப் ஓரம் ஆகியோரின் வரிசையில் இப்போது பிரட்லீயும் இணைந்திருப்பதும் குறிப்பிடத்தக்கது. எனவே பிரட்லீயும் இவர்களைப் போல ஒருநாள் மற்றும் ருவென்ரி ருவென்ரி போட்டிகளில் விளையாடுவார்என எதிர்பார்க்கலாம்.

IPL இற்கு ஆப்பு வருகிறதா?

2010-02-22T19:30:00.000-08:00

IPLலில் நியூசிலாந்தின் பங்களிப்புப்பற்றி சந்தேகம் வெளியிடப்பட்டுள்ளது. அடுத்த 24 மணிநேரத்தில் அவுஸ்திரேலிய, தென்னாபிரிக்க, மற்றும் இங்கிலாந்து அணிகளின் கிறிக்கற் வீரர்கள் சங்கம் IPLஇல் பங்குபற்றுவதை தவிர்க்குமாறு ஆலோசனை வழங்கும் எனத் தெரிவிக்கப்படுகிறது.

வீரர்கள் தங்கள் சொந்த முடிவைஎடுக்கலாம் என்றும், ஆனால் கிறிக்கற் வீரர்கள் சங்கம் IPLஐ தவிர்க்கும்படி அவர்களது ஆலோசனையை தெளிவாக முன்வைக்கவிருப்பதாகவும் பாதுகாப்பு ஆலோசகர் டிக்கர்சன் அவர்கள் தீவிரவாதத் தாக்குதல் பற்றிய செய்தி உண்மை எனத்தெரிவித்துள்ளதும் இவர்களை மேலும் சிந்திக்க வைத்துள்ளது.

நியூசிலாந்து கிறிக்கற் வீரர்கள் சங்கத்தின் முகாமையாளர் ஹீட் மில்ஸ் தனது வீரர்கள் பங்குபற்றுவது இன்னும் முடிவெடுக்கப்படவில்லையென்றும், ஆனால் IPLலுடன் சம்பந்தப்பட்ட 6 வீரர்களுடன் கதைத்திருப்பதாகவும் தெரிவித்தார்.

US$750,000 (சேன் பொண்ட் )டொலரிலிருந்து US$400,000 டொலர்கள் வரை ஏலத்தில் எடுக்கப்பட்ட வீரர்கள் தங்கள் இந்தியா செல்ல நிராகரித்தால் வருமானத்தை இழக்கவேண்டி ஏற்படும்.

ஸ்டீபன் பிளமிங் சென்னை சுப்பர் கிங்ஸ் அணிக்கு பயிற்றுவிப்பாளர் பணியில் இருக்கிறார், ஸ்டைரிஸ் டெக்கன் அணியை பிரதிநிதித்துவப்படுத்தும் போதும் 23 பேர் கொண்ட அணியில் தெரிவு செய்யப்படவில்லை. ஜெசி ரைடர், கைல் மில்ஸ் ஆகியோர் இம்முறை அணியில் இடம்பெறவில்லை.

நியூசிலாந்து கிறிக்கற் சபை, IPL தலைவர் லலித் மோடியிடமிருந்தும் BCCIயிடமிருந்தும் வீரர்களை இந்தியாவுக்கு அனுப்புமாறு அழுத்தங்களை பெறுவதாகவும், ஆனால் IPL ஒரு சர்வதேச அணிகளுக்கிடையிலா போட்டியல்ல, இதில் வீரர்களுக்கு முழு சுதந்திரம் உண்டு, தங்கள் முடிவை அவர்கள் எடுக்கலாம் என்று நியூசிலாந்து கிறிக்கறின் பிரதான நிறைவேற்று அதிகாரி டிக்கர்சன் தெரிவித்தார்.

மேலும் கருத்துவெளியிட்ட அவர் இது பெரும் அதிருப்தியை அளிப்பதாகவும், இம்முறை IPl இந்தியாவில் நடைபெறாவிட்டால் அது உலக கிறிக்கற்றுக்கு நல்லதல்ல எனவும் தெரிவித்தார்.

நியூசிலாந்து ஹொக்கி அணிக்கு உலகக்கிண்ண ஹொக்கி போட்டிக்குச் செல்ல அனுமதியளித்திருப்பது குறிப்பிடத்தக்கது. ஆனால் ஹொக்கி போட்டிக்கான அணிகள் ஒரே விடுதியில் தங்கியிருப்பதும், ஒரே இடத்தில் மட்டுமே போட்டிகள் நடைபெறுகிறது. ஆனால் IPL போட்டிகள் இந்தியா முழுவதும் உள்ள 12 இடங்களில்நடைபெறப்போவது குறிப்பிடத்தக்கது.

கடைசி IPL போட்டி கூட கடைசிநேர அறிவித்தலின்படி தென்னாபிரிக்காவுக்கு மாற்றப்பட்டது, கவனத்தில்கொள்ளப்படவேண்டிய விடயமாகும்.

உலகக் கிண்ணத்தை நடாத்த மாற்று நாடுகளும் தயார் நிலையில்...

2010-02-21T21:44:00.000-08:00

2011 உலகக் கிண்ணத்தை இந்தியா, இலங்கை மற்றும் பங்களாதேஷ் ஆகிய நாடுகளிலிருந்து பாதுகாப்புக் காரணங்களிற்காக மாற்றும் நிலையில் போட்டிகளை அவுஸ்ரேலியா மற்றும் நியூசிலாந்து ஆகிய நாடுகளில் நடாத்த திட்டங்கள் இருப்பதாகத் தெரிவிக்கப்படுகிறது.
நியூசிலாந்து கிறிக்கற் சபையின் பிரதான நிறைவேற்று அதிகாரியான ஜஸ்ரின் வோண் மேற்படி ஒரு திட்டமிருப்பதை ஏற்றுக் கொண்டபோதிலும், உலகக் கிண்ணம் ஏற்கனவே ஏற்பாடு செய்யப்பட்டதன்படி உபகண்டத்தில் நடைபெற எதிர்பார்ப்பதாகத் தெரிவித்ததோடு ஏற்கனவே திட்டமிட்டபடி நியூசிலாந்து இவ்வருட இறுதியில் இந்தியாவிற்கு பயணம் செய்யும் என்றும் தெரிவித்தார்.

'உலகக் கிண்ணம் நடைபெறும் காலத்தை மார்ச்-ஏப்ரல் என்பதிலிருந்து மாற்ற முடியாது. ஆகவே அவுஸ்ரேலியா, நியூசிலாந்து மற்றும் தென்னாபிரிக்கா ஆகியனவற்றாலயே போட்டிகள் இடம்மாற்றப்பட்டால் போட்டிகளை நடாத்த இயலும்' என்று நியூசிலாந்து இணையத்தளமொன்றிற்கு தெரிவித்தார் வோண்.

'வீரர்கள் பாதுகாப்பாக இருக்க வேண்டுமென்பது வெளிப்படையான ஒரு தேவை. ஆனால் அதற்காக அச்சுறுத்தல் ஒன்று வரும்போது நாங்கள் விட்டுவிலகி ஓடக்கூடாது, பாதுகாப்பு ஏற்பாடுகளை அதிகரித்து அணிகளைச் சுற்றி அதிகரித்து அச்சுறுத்தலை இல்லாமல் செய்ய வேண்டும்.
இதற்கு நாங்கள் ஓர் தீர்வைக் காண வேண்டும். ஏனென்றால் தற்போதைய சூழ்நிலையில் கிறிக்கற்றின் இதயத்துடிப்பாக ஆசியாவே திகழ்கிறது' என்றும் தெரிவித்தார்.

அத்தோடு இந்தியாவில் பாதுகாப்பு விடயங்களை ஆராய்தல் முக்கியமானது என்றும் தெரிவித்த வோண், 'இந்தியா மிக முக்கியமானது. இந்தியாவிற்கு பாதுகாப்புப் பிரச்சினைகள் காரணமாக பயணம் செய்ய முடியாது என்ற ஓர் காட்சியை எங்களால் கற்பனை செய்து பார்க்க முடியாது. அது நினைத்துப் பார்க்க முடியாத ஒன்று. நடத்துபவர்களின் பாதுகாப்பு நடவடிக்கைகள் முக்கியமானவை. பாதுகாப்பு நடவடிக்கைகள் சரியாக இருந்தால் உலகில் எந்த நாட்டிற்கும் செல்ல நான் தயார், அது ஈராக் ஆக இருந்தாலும்.' என்றும் தெரிவித்தார்.

எனினும் சர்வதேச கிறிக்கற் சபையின் பிரதம நிறைவேற்று அதிகாரி ஹரூன் லோகாட் பிரதான கிறிக்கற் விளையாடும் நாடுகள் ஒற்றுமையாகச் செயற்பட்டு உலகக் கிண்ணம் தீவிரவாதத்திற்கு அடிபணியாது தடுக்கும் என்று நம்பிக்கை தெரிவித்தார்.

பாகிஸ்தானிலுள்ள அல்-குவைதாவின் ஒரு பிரிவு ஐ.பி.எல் போட்டிகளுக்கு வீரர்களை அனுப்பக்கூடாது என சர்வதேச கிறிக்கற் விளையாடும் நாடுகளுக்கு எச்சரிக்கை விடுத்த பின் பாதுகாப்புப் பற்றிய கேள்விகள் எழுந்துள்ளமை குறிப்பிடத்தக்கது.

தொடரை வென்றது அவுஸ்ரேலியா...

2010-02-19T05:44:00.000-08:00

அவுஸ்ரேலிய மேற்கிந்தியத் தீவுகளிடையே நடைபெற்ற 5 ஆவது ஒருநாள் போட்டியிலும் வெற்றிபெற்று தொடரை 4-0 என்ற ரீதியில் கைப்பற்றியது.
ஒருபோட்டி மோசமான காலநிலை காரணமாக இடைநடுவில் கைவிடப்பட்டமை குறிப்பிடத்தக்கது.

5ஆவது போட்டியில் முதலில் துடுப்பெடுத்தாட களமிறங்கிய அவுஸ்ரேலியா ஷேன் வொற்சனின் அதிரடி 51, ஹடினின் 31, பொன்ரிங்கின் அதிரடி 61, கிளார்க் இன் 47, வைற் இன் 22 மற்றும் இறுதி நேரத்தில் அதிரடியாட்டம் புரிந்த அடம் வொஜெஸ் இன் 45 மற்றும் ஜேம்ஸ் ஹோப் இன் 26 பந்துகளில் பெறப்பட்ட 57 ஓட்டங்களால் 324 ஓட்டங்களைக் குவித்தது.

மேற்கிந்தியத் தீவுகள் சார்பாக ராம்போல் 2 விக்கற்றுக்களையும், பொலார்ட் 2 விக்கற்றுக்களையும், சமி ஒரு விக்கற்றையும் கைப்பற்றினார்.

தொடர்ந்து துடுப்பெடுத்தாடிய மேற்கிந்தியத்தீவுகள் அணி வழமையைப் போல விக்கற்றுக்களை ஆரம்பித்திலேயே இழக்க ஆரம்பித்து 199 ஓட்டங்களுடன் சுருண்டது.
வழமையைப் போல கிறிஸ் கெயில் டக் பொலிங்கரின் பந்துவீச்சில் ஆட்டமிழந்தமை குறிப்பிடத்தக்கது. இத்தொடரில் கெயில் துடுப்பெடுத்தாடிய 4 முறையும் டக் பொலிங்கரின் பந்துவீச்சிலேயே கெயில் ஆட்டமிழந்தமை குறிப்பிடத்தக்கது. அத்தோடு இதுவரை டக் பொலிங்கர் விளையாடி கெயில் துடுப்பெடுத்தாடிய 6 போட்டிகளில் 6 முறையும் டக் பொலிங்கரின் பந்துவீச்சிலேயே ஆட்டமிழந்துள்ளமை குறிப்பிடத்தக்கது.

மேற்கிந்தியத் தீவுகள் சார்பாக அதிகபட்சமாக டரன் சமி 41 பந்துகளில் ஆட்டமிழக்காமல் 47 ஓட்டங்களையும் கெரன் பொலார்ட் 51 பந்துகளில் 45 ஓட்டங்களையும் பெற்றனர்.
அவுஸ்ரெலியா சார்பாக பொலிங்கர் 3 விக்கற்றுக்களையும், போல் ஹரிஸ் மற்றும் புதியவர் ஸ்மித் ஆகியோர் 2 விக்கற்றுக்களையும், மக்கே மற்றும் ஹோப்ஸ் ஆகியோர் தலா ஒரு விக்கற்றையும் கைப்பற்றினர்.

போட்டியின் ஆட்டக்காரராக ஜேம்ஸ் ஹோப்ஸ் உம், தொடரின் சிறப்பாட்டக்காரராக தொடர்முழுவதும் பிரகாசித்த அவுஸ்ரேலிய அணித்தலைவர் றிக்கி பொன்ரிங் உம் தெரிவாகினர்.

இந்தத் தொடருக்கு முன்னர் தாங்கள் அவுஸ்ரேலியாவை 4-1 என்ற ரீதியில் தோற்கடிப்போம் என கிறிஸ் கெயில் சவால் விட்டிருந்தமை குறிப்பிடத்தக்கது.
பின்னர் தொடரின் நடுவே அவுஸ்ரேலியா தங்களை விட சிறப்பாக விளையாடுகின்றனர் என்று ஒப்புக் கொண்டமையும் குறிப்பிடத்தக்கது.

இரு அணிகளுக்குமிடையிலான 2 போட்டிகள் கொண்ட இருபதுக்கு இருபது தொடரின் முதற்போட்டி எதிர்வரும் ஞாயிற்றுக் கிழமை ஹோபார்ட் இல் இடம்பெறவுள்ளமை குறிப்பிடத்தக்கது.

இந்தியா இன்னிங்ஸ் வெற்றி

2010-02-18T05:49:00.000-08:00

கடந்த 14ஆம் திகதி கொல்கத்தா ஈடன் கார்டன்ஸ் மைதானத்தில் ஆரம்பமான இந்தியா தென்னாபிரிக்காவுக்கு இடையிலான இரண்டாவதும் இறுதியுமான முதலிடத்தை தெரிவு செய்யும் டெஸ்ட் போட்டி 5வது நாளான இன்று முடிவுக்குக்கு வந்தது. கடைசிவரை தோல்வியைத்தவிர்க்கப் போராடிய தென்னாபிரிக்காவால் கடைசியில் அது முடியாமல் போனது. முதல் போட்டியில் இன்னிங்சால் இந்தியாவை வென்ற தென்னாபிரிக்காவைப் பழி தீர்க்கும் வகையில் இந்தியா இன்னிங்சாலும் 57 ஓட்டங்களாலும் வெற்றியீட்டியது.

முதலில் நாணயச்சுழற்சியில் வென்று துடுப்பெடுத்தாடிய தென்னாபிரிக்க அணி, கிரேம் சிமித்தின் விக்கெட்டை முதலிலேயே பறிகொடுத்தாலும் அம்லா, பீட்டர்சன் ஆகியோரின் சதங்களின் துணையுடன் 218 ஓட்டங்களை எட்டி வலுவான நிலையை அடைந்த வேளையில் பீட்டர்சனின் விக்கெட் இழப்பும் அடுத்து 229 ஓட்டங்களைப் பெற்றபோது அம்லாவின் ஆட்டமிழப்பும் தென்னாபிரிக்காவின் சரிவுக்கு வழிவகுத்தது. அடுத்த வந்த ஜக் கலிஸ்(10), ஏ.பி.டி.வில்லியர்ஸ்(12) , பார்னல்(12), மோர்க்கல்(11) ஆகியோரைத்தவிர அனைவரும் ஒற்றை ஓட்டங்களுடனேயே ஆட்டமிழக்க தென்னாபிரிக்க அணி 296 ஓட்டங்களுக்குள் சுருண்டது.இங்கு சகீர்கான் 4 விக்கெட்களையும், ஹர்பஜன் 3 விக்கெட்களையும் இசாந் சர்மா, மிஸ்ரா ஆகியோர் தலா 1 விக்கெட்டையும் கைப்பற்றியமை குறிப்பிடத்தக்கது.

தனது முதலாவது இன்னிங்சில் துடுப்பெடுத்தாடிய இந்தியஅணி சோவாக்(165), சச்சின்(106), V.V.S.லக்ஸ்மன்(143), டோனி(132) ஆகியோரின் அபார சதங்களுடன் 643 ஓட்டங்களுக்கு 6விக்கெட்களை இழந்து ஆட்டத்தை இடைநிறுத்திக்கொண்டது. மோர்க்கல் 2விக்கெட்டையும், ஸ்டெயின், ஹரிஸ், ஜே.பி.டும்னி ஆகியோர் தலா 1 விக்கெட்களைக் கைப்பற்றியது குறிப்பிடத்தக்கது.

இரண்டாவது இன்னிங்சில் மீண்டும் துடுப்பெடுத்தாடத் தொடங்கிய தென்னாபிரிக்கஅணியின் ஆரம்ப ஜோடிகள் சீக்கிரமாகவே ஓய்வறைக்குத் திரும்பிவிட ஹசிம் அம்லா தனி மனிதனாக ஆடுகளத்தில் நின்று போராடினார், துடுப்பாட்ட வீரர்கள் யாருமே இவருக்குத் துணைபுரியாமல் போக கடைசிவரை போராடிய இவரைப்பாராட்டாமல் இருக்கமுடியாது. கடைசிவரை ஆட்டமிழக்காத அம்லா இரண்டாவது இன்னிங்சிலும் சதமடித்தார்(123). இரண்டாவது இன்னிங்சிலும் சிறப்பாகப் பந்து வீசிய ஹர்பஜன் சிங் 5 விக்கெட்டுகளையும், மிஸ்ரா 3 விக்கெட்டுகளையும், இசாந் சர்மா 2 விக்கெட்டுகளையும் கைப்பற்றினர்.

போட்டியின் சிறப்பாட்டக்காரராகவும் தொடரின் சிறப்பாட்டக்காரராகவும் இரண்டு இன்னிங்சிலும் சதமடித்த ஹசிம் அம்லா தெரிவு செய்யப்பட்டார். முதலாவது போட்டியிலும் அம்லா சிறப்பாட்டக்காரர் விருது பெற்றமை குறிப்பிடத்தக்கது.

அதுதவிர அம்லா சச்சினின் பந்துவீச்சில் அம்லா அடித்த பந்து பவுண்டரி எல்லைக்கருகில் நின்றுவிட அதை பவுண்டரி எல்லைக்குள் தட்டிவிட்டார் சேவாக் இதை அவதானித்த நடுவர்கள் இந்தியாவுக்கு தண்டனையாக 5 ஓட்டங்களைதென்னாபிரிக்காவுக்கு வழங்கியமை குறிப்பிடத்தக்கது.

ஒருநாள் போட்டிகளில் கிரேம் ஸ்மித் இல்லை

2010-02-18T00:17:00.000-08:00

கிரேம் ஸ்மித் இந்தியாவுடனான ஒருநாள் தொடரிலிருந்து விலக்கப்பட்டுள்ளார். அவருக்கு கைவிரலில் ஏற்பட்ட காயத்தையடுத்து அதற்கு சிகிற்சை பெறவேண்டியிருப்பதால் அவர் தற்போது நடைபெற்றுக் கொண்டிருக்கும் இந்தியாவுடனான இரண்டாவது டெஸ்டுக்குப்பிறகு நாடு திரும்பவுள்ளதாக தெரிவிக்கப்படுகிறது.

ஸ்மித் நாடுதிரும்புவதையடுத்து ஜக் கலிஸ் அணிக்குத்தலைமை தாங்குவார் எனவும், ஒருநாள் அணியில் ஏற்கனவே சேர்த்துக் கொள்ளப்படாத போர்மிலுள்ள துடுப்பாட்ட வீரர் ஹசிம் அம்லா சிமித்துக்குப்பதிலாக அணிக்குள் இணைத்துக் கொள்ளப்பட்டிருப்பதாகவும் தகவல்கள் தெரிவிக்கின்றன.

ஸ்மித்துக்கு 10 நாட்கள் ஓய்வு தேவைப்படுவதாகவும், இது லுட் பொஸ்மன் போன்ற தென்னாபிரிக்க இளம்வீரர்களுக்கு தங்கள் திறமைகளை வெளிப்படுத்த களமாக அமையும் எனவும் தெரிவிக்கப்படுகிறது.

முதுகு நோவினால் நாடு திரும்பிய மார்க் பவுச்சர் குணமடைந்திருப்பதாகவும் மீண்டும் ஒருநாள் போட்டிகளுக்காக வெள்ளிக்கிழமை இந்தியா வரவிருப்பதாகவும், அவர் ஞாயிற்றுக்கிழமை போட்டியில் விளையாடுவார் எனவும் ஓவன் ஸ்மித் நம்பிக்கை தெரிவித்தார்.

ஷேண் வோண் விளையாட மாட்டாரா?

2010-02-17T22:34:00.000-08:00

தீவிரவாத அச்சுறுத்தல் காரணமாக இந்தமுறை IPLலில் விளையாடுவது குறித்து தான் ஒன்றுக்கு இரண்டுமுறை சிந்திக்கவுள்ளதாக ஷேண் வோண் அறிவித்துள்ளார். இதுதவிர ஹொங்கொங்கின் ஏசியா டைம்ஸ்சில் வெளியான "இந்திய விளையாட்டுப்போட்டி தாக்கப்படும் என்ற தீவிரவாத இயக்கமொன்றின் செய்தி இன்னும் பரபரப்பை ஏற்படுத்தியுள்ளது.

ஆனால் இந்தச்செய்தி உண்மை என அறியப்பட்டால் IPL போட்டி ஏற்பாட்டாளர்கள் விளையாட்டு வீரர்களின் பாதுகாப்புக்கருதி உரிய நடவடிக்கைகள் எடுப்பார்கள் எனக்கூறப்படுகிறது.

ஷேண் வோண் இன் பாதுகாப்பு நிபுணர் திரு. டிக்கர்சனின் ஆலோசனைப்படியே போட்டியில் கலந்து கொள்வது தொடர்பாக முடிவெடுக்கப்போவதாகவும் கூறியுள்ளார்.இந்தியாவில் உலகக்கிண்ண ஹொக்கி போட்டி, அடுத்து IPL போட்டிகள், அதைத்தொடர்ந்து கொமன்வெல்த் போட்டிகள் இடம்பெறவிருப்பது குறிப்பிடத்தக்கது.

நாங்கள் ஹோட்டல்களில் தங்கியிருக்கிறோம், மைதானத்துக்கு பேருந்துகளில் பயணிக்கிறோம், இவை தவிர கடந்த முறை லாகூரில் இலங்கைக்கு நடந்தது உங்களுக்கு நினைவிருக்கும், ஆகவே இது பயங்கரமான ஒரு விடயம் என்று ஷேண் வோண் மேலும் தெரிவித்தார்

இது தவிர ஏற்கனவே பாதுகாப்புப் பிரச்சினை குறித்து இங்கிலாந்து கொமல் வெல்த் அணி அச்சம் வெளியிட்டதும், நாளிதள் ஒன்றில் அவுஸ்திரேலிய பெரிய தலைகள் சொந்தப்பாதுகாப்புக்காக அதிகாரிகளை இந்தப்போட்டிக்காக ஒப்பந்தம் செய்துள்ளதாகவும் செய்திகள் வந்ததும் குறிப்பிடத்தக்கது.